O‘zbekiston kubogi finali oldidan prevyu!

O‘zbekiston kubogi 2023 yilgi mavsum final uchrashuvi doirasida Qarshining "Nasaf" va Olmaliqning OKMK jamoalari g‘oliblik uchun kuch sinashadi.

"Konchilar" mamlakat kubogi g‘olibligini 2018-yilda qo‘lga kiritgan. O‘shanda, Toshkentning "Paxtakor" jamoasi Farg‘onadagi finalda taslim etilgan. Ushbu natija olmaliqliklar uchun yagona hisoblanadi. OKMK o‘z tarixida to‘rtinchi bor kubok finalida qatnashadi. 

“Nasaf” uchun ushbu final to‘qqizinchisi bo‘ladi. “Ajdarlar” 2015, 2021, 2022-yillar ushbu sovrinni boshlari uzra baland ko‘tarishgan.

“Nasaf” O‘zbekiston Kubogi Finallarida  uch marta “Paxtakor”, uch marta “Bunyodkor”, bir marta “Lokomotiv” va bir marta “Navbahor” jamoalari bilan bellashgan.

Final 12-noyabr kuni Qarshidagi  «Markaziy» stadionida 17:00da boshlanadi

O‘zbekiston kubogi 2023. Final.

12-noyabr, yakshanba

«Nasaf» — OKMK (17:00)

Qarshi. «Markaziy» stadioni

Hakamlar: Aziz Asimov, Olim Abduvasilov, Timur Gaynullin, Rahimbek Karimov

VAR: Ilgiz Tantashev

AVAR: Aleksandr Sidorov

Nazoratchi: Bobur Haydarov

Komissar: Sherzod Rajabov