Ўзбекистон Кубоги. "Пахтакор"да йўқотиш бор

Ўзбекистон Кубоги чорак финалида "Шерлар" бугун "Жар" стадионида "Машъал"ни қабул қилади.

"Пахтакор" ушбу рақибга қарши Ўзбекистон Кубогида 2 беллашув ўтказган. 2001 йил 1/16 финалда сафарда 2:1 ҳисобида "Пахтакор" ғалаба қозонган. 2006 йил финалдаги баҳсда ҳам "Шерлар" 2:0 ҳисобида ютуққа эришган. Бу ҳақида клуб матбуот хизмати превью тариқасида хабар бермоқда.

Дисквалификация сабабли Ҳожиакбар Алижонов мазкур учрашувни ўтказиб юборади. У ўтган ҳафтада чемпионат доирасида сафарда "Андижон"га қарши учрашувда қизил карточка олган.

"Пахтакор" ва "Машъал" жамоалари ўртасидаги ўйин 26 август куни соат 20:30 да "Жар" стадионида бошланади.