Ўзбекистон терма жамоасининг мундиал учун сўнгги 26 талик таркиби қачон эълон қилинади?

2026 йилги Жаҳон чемпионати яқинлашгани сари кўплаб терма жамоалар турнир учун сўнгги 26 талик таркибини эълон қилмоқда. Фабио Каннаваро мураббийлигидаги Ўзбекистон терма жамоамиз эса ҳозирчалик 30 талик таркибни тақдим этди.

Биздаги маълумотларга кўра, сўнгги 26 талик қайднома Канадага қарши ўртоқлик учрашувидан сўнг маълум қилинади.

Ушбу таркибдан тушиб қолган 4 футболчимиз ҳам терма жамоамиз вакиллари билан йиғинда иштирок этади. Агарда қайсидир футболчимиз кутилмаганда жароҳат олиб, сафдан чиқса унинг ўрни тезда муваффақиятли тўлдирилади. Италиялик мураббийнинг айтишича, бундан асосий мақсад адаптация жараёнинг тезроқ ўтишидир.

Маълумот ўрнида, ҳамюртларимиз эртага Канада билан ўртоқлик баҳсида иштирок этади. Беллашув эса Тошкент вақти билан эрта тонгги 06:00'да старт олади.