Ўзбекистонлик ҳакамлар ОЧЛ учрашувини бошқаради

Айни кунларда, Қатар майдонларида ОЧЛ гуруҳ босқичи Ғарб минтақасидаги учрашувлар бўлиб ўтмоқда.

Аввал хабар берганимиздек, ушбу ўйинларда фаолият олиб бориш учун ўзбекистонлик ҳакамлар ҳам таклиф этилган.

Ҳамюртимиз ФИФА рефериси Шерзод Қосимов ўз бригадаси билан ОЧЛ 4-туридан ўрин олган "Ал-Шорта" - "Ал-Аҳли" учрашувини бошқариб боради.

17 сентябрь куни ўтказиладиган мазкур баҳсда Шерзод Қосимовга қанотларда Абдуҳамидулло Расулов ва Тимур Гайнулин ёрдам беради, деб хабар берди ЎФА матбуот хизмати.

Заҳира ҳаками вазифаси иорданиялик Адҳам Муҳаммад Тумаҳга ишониб топширилди.