Ўзини бахтсиз ҳис қилаётганлар кетсин!

“Тоттенхэм” бош мураббийи Роберто Де Дзерби клубда ўзини бахтли ҳис қилмаётган футболчилар жамоани тарк этиши кераклигини маълум қилди.

Бу ёзда Де Дзерби “Тоттенхэм” таркибини жиддий янгилаб, аллақачон олти нафар янги футболчини жамоага олиб келди.

Шу билан бирга, у Кристиан Ромеро ва Лукас Бергвалль каби футболчилар билан хайрлашишга ҳам қарши эмас.

- Иш бошлаганимнинг илк куниданоқ буни жуда аниқ айтдим. “Тоттенхэм”да қолишни истамайдиган, ўзини бахтли ҳис қилмайдиган  ҳар қандай футболчи кетиши мумкин.

Мен бу ерда ўйнаётганидан фахрланадиган, бахтли бўлган ва “Тоттенхэм Хотспур” стадиони майдонига катта иштиёқ билан чиқадиган футболчиларни хоҳлайман. Чунки ҳозирги футболда айнан мотивация ҳал қилувчи омил ҳисобланади.

Мотивация эса бахтли бўлиш ва бир жамоада қолиш истагидан келиб чиқади, - деди тажрибали мураббий Роберто  Де Дзерби BBC нашри журналистларига берган интервьюсида.