Palestra eng katta summa sarflangan himoyachiga aylanadi

«Atalanta» markaziy himoyachisi Marko Palestra yaqin vaqtlarda «Inter» safini to‘ldirishi kutilmoqda.

Avvalroq italyalik himoyachining transferi «Inter»ga bonuslar bilan birga 50 million yevro atrofida tushishi mumkinligi haqida xabarlar tarqalgan edi.

Transfermarkt.it sayti ma’lumoticha, kelishuvning kafolatlangan qismi 45 million yevroni tashkil etadi. Agar bitim rasmiy amalga oshsa, Palestra Italiya A Seriyasi tarixida eng qimmat himoyachiga aylanadi. 

Hozircha bu borada rekord «Real»dan «Inter»ga 2020 yilda 43 million yevro evaziga o‘tgan Ashraf Hakimiga tegishli.

Marko Palestra 2025/26 yildagi mavsumni «Kalyari» tarkibida ijaraga asosda o‘tkazdi. U jamoa safida 37 ta uchrashuvda maydonga tushib, bir gol urdi va to‘rtta golli uzatma muallifi bo‘ldi.