Паредес: "Мен Мессига йиғламаслигини айтдим"

Аргентина терма жамоаси ярим ҳимоячиси Леандро Паредес жамоа сардори Лионель Мессининг Колумбия билан "Америка кубоги" финал учрашувининг иккинчи ярмида (1:0)  тўпиғидан олган жароҳатига қандай муносабатда бўлганини айтиб берди. 

- Месси жароҳат олганида, вазият жуда қийин эди. Ҳиссиётларга берилмаслик учун унга қарамасликка ҳаракат қилдим. Йиғламанг, хотиржам бўлинг, чунки сиз бизга ўрнаксиз, дедим. Муҳими, мақсадимизга эришдик. Де Паул биз Месси учун кубокни ютиб олишни хоҳлаётганимизни айтди. Ҳаммамиз буни ҳис қилдик. Лео сардоримиз ва биз уни бахтли бўлишини истардик, - дея Паредес сўзларини келтирди "Sport.es" нашри.