"Пахтакор"га қарши ўйин олдидан "Ал-Айн"га янги бош мураббий тайинланди

Хабарингиз бор, яқиндагина "Ал-Айн" бош мураббийи Альфред Шрёдер жамоани тарк этди. Клуб унинг ўрнини тўлдириш мақсадида Эрнан Креспо билан шартнома имзолаганини маълум қилди. 

Аргентиналик мутахассис бундан олдин "Ал-Дуҳайл" жамоасида ишлаган. Шунингдек, мураббий фаолияти давомида "Сан Пауло", "Модена" ва айрим Аргентина клубларини бошқарган. 

Эслатиб ўтамиз, "Ал-Айн" ОЧЛда "Пахтакор" билан бир гуруҳдан жой олган бўлиб, 12 очко тўплашга ва муддатидан олдин плей-оффга чиқишга муваффақ бўлган. Мазкур жамоа 5-турда "шерлар"га қарши майдонга тушади.

Креспо "Ал-Айн"даги дебютини Азиз Ғаниевнинг клуби бўлмиш "Шабаб"га қарши ўйинда амалга ошириши кутилмоқда.