Pedri yangilangan transfer qiymati reytingida Bellingemni ortda qoldirdi

"Barselona" yarim himoyachisi Pedri "Transfermarkt"ning yangilangan reytingida "Real" futbolchisi Jud Bellingemdan o‘zib ketdi.

Ilgari Bellingem Pedridan qimmatroq edi, endi esa ispaniyalik angliyalik yarim himoyachini ortda qoldirdi: Pedrining bozor narxi 10 mln yevroga oshib, 150 mln yevroga yetdi, Bellingemning narxi esa 20 mln yevroga pasayib, 140 mln yevroga tushdi. Manbaga ko‘ra, bunga inglizning Madrid klubidagi mavqei pasaygani, o‘yin ritmining yo‘qligi va jamoadagi rollarning o‘zgarishi o‘z hissasini qo‘shgan. Pedri esa "ko‘k-anorranglilar" o‘yiniga ko‘proq ta’sir o‘tkaza boshladi.

Joriy klub mavsumida 31 ta o‘yinda Pedri ikkita gol urdi va 10 ta golli uzatmani amalga oshirdi, Bellingem jamoasining 28 ta o‘yinda oltita gol urdi va to‘rtta golli uzatmani amalga oshirdi.