"Персеполис"даги дебют голидан сўнг Сергеев нималар деди?

Эрон Про лигасининг 17-тури доирасида "Персеполис" ўз майдонида "Сепахон" жамоасини 2:1 ҳисобида мағлуб этди. Мезбонлар сафидаги голларга ўзбекистонлик футболчилар — Остон Ўрунов ва Игорь Сергеев муаллифлик қилди.

Учрашувдан сўнг Сергеев ўзининг илк голи, Ўрунов билан ўзаро ҳамкорлик ҳамда сўнгги дақиқаларда олган қизил карточкаси ҳақида фикр билдирди.

"Ушбу баҳс биз учун жуда қийин кечди. Дебют голимни урганимдан албатта хурсандман, аммо сўнгги дақиқаларда қизил карточка олганим афсусланарли ҳолат бўлди. Шунга қарамай, қўлга киритилган 3 очко жамоа учун жуда муҳим эди. Қорли об-ҳавода ўйнаш осон эмас, бироқ “Персеполис”даги барча футболчилар ҳақиқий жангчи ва кучли", — деди у.

Шунингдек, Сергеев голли эпизодда жамоадошига алоҳида миннатдорлик билдирди:

"Ўйлайманки,Остон мени орқасида эканлигимни кўрди ва “Персеполис”даги биринчи голимни уришимда менга катта ёрдам берди. Бу учун унга раҳмат айтаман. Ушбу гол менинг ўзига бўлган ишончимни янада оширди".

Ҳужумчи сўзининг якунида жамоа бош мураббийидан узр сўради:

"Қизил карточка олганим ва кейинги ўйинни ўтказиб юборадиган бўлганим учун бош мураббийдан узр сўрайман. Барча мухлисларимизга раҳмат. “Персеполис” — менинг жамоам. Биз ҳар бир учрашувда ғалаба қозониш учун курашамиз".