Португалиялик ҳимоячи Ўзбекистон ҳақида фикр билдирди

Ўзбекистон миллий терма жамоаси Жаҳон чемпионатининг 2-тур доирасида Португалияга қарши майдонга тушади. Учрашув олдидан португалиялик ҳимоячи Рубен Диаш Ўзбекистон терма жамоасининг ўйин услуби ҳақида ўз фикрлари билан ўртоқлашди.

"Конгонинг беш кишилик ҳимоясига қарши ўйнаган Португалия Ўзбекистонга қарши ҳам шунга ўхшаш услубга дуч келиши мумкин. Клубдаги ўйинларимнинг аксариятини беш нафар ҳимоячи билан ўйнайдиган жамоаларга қарши ўтказганман, шунинг учун бундай услуб ҳақида яхши тасаввурга эгаман. Бундай ўйинларда позицион интизом ҳал қилувчи аҳамиятга эга бўлади. Ўйлайманки, ўз позицияларимизга риоя қилиб ва тўғри қарорлар қабул қилсак, фарқни ярата оладиган етарлича сифатли футболчиларимиз бор", — деди Рубен Диаш.

Маълумот учун, Ўзбекистон ва Португалия ўртасидаги баҳс 23 июнь куни Тошкент вақти билан соат 22:00 да старт олади.