Prevyu. "Andijon" - "Olimpik"

26 oktyabr oqshomida “Andijon” jamoasi Superliganing 22-turi doirasida Toshkentning “Olimpik” klubini qabul qiladi.

Yodingizda bo‘lsa, mavsumning birinchi yarmida jamoalar ikki marta ro‘baro kelishgan. Birinchi davrada Toshkentdagi bahsda darvozalar daxlsiz qolgan bo‘lsa, ikkinchi o‘yin O‘zbekiston Kubogining nimchorak finaliga to‘g‘ri kelgan va o‘sha uchrashuv ham “Olimpik” maydonida bo‘lib o‘tgan. Rustam Turdimurodovning yagona goli evaziga “Andijon” g‘alaba qozongan.

Umumiy hisobda “Andijon” va “Olimpik” jamoalari Superliga bahslarida shu kungacha 3 marotaba to‘qnashishgan. Shundan 2 tasida “Andijon” g‘olib chiqqan va 1 uchrashuvda tomonlar durang qayd etishgan. To‘plar nisbati 3/1 “Andijon” foydasiga.

Ko‘rinib turibdiki, ushbu klublarning o‘zaro o‘yinlar tarixi boshlanganiga hal ko‘p bo‘lgani yo‘q. Ilk bellashuv 2023 yilning 3 aprel kuni bo‘lib o‘tgan. O‘shanda Ildar Mamatkazinning yagona goli evaziga “Andijon” g‘alaba qozongan.