Prevyu. "Buxoro" - "Paxtakor"

Superliga 9-turida "Paxtakor" "Buxoro" bilan safar oʻyinida maydonga tushadi.

Chempionatlar tarixida ushbu jamoalar 62 bor oʻzaro bellashgan. 46 bahsda "Paxtakor", 7 bellashuvda "Buxoro" gʻalaba qozongan. 9 toʻqnashuv durang bilan yakunlangan. Raqib darvozasi 146 bor ishgʻol etilib, buxoroliklar 38 gol urishgan. 18 uchrashuvda "Sherlar" raqibni yirik natija bilan taslim qilgan. 2005 yil eng yirik natija kuzatilgan. Safarda "Paxtakor" 8:0 hisobida zafar quchgan.

Mehmondagi oʻyinlarda "Sherlar"ning koʻrsatkichi shunday koʻrinish olgan: 18 gʻalaba, 7 durang va 6 magʻlubiyat. "Buxoro" darvozasiga 62 gol urilib, 21 toʻp oʻtkazib yuborilgan.

"Buxoro" va "Paxtakor" jamoalari oʻrtasidagi oʻyin 22 aprel, chorshanba kuni soat 20:15 da Buxoro FA stadionida boshlanadi.