Превью. "Сурхон" - "Андижон"

Бугун Суперлиганинг 26-тури якунига етади. “Андижон” Термизда “Сурхон” клубига қарши майдонга тушади.

Ёдингизда бўлса, биринчи даврада “Бобур арена”да ўтказилган баҳсда майдон эгалари 2:1 ҳисобида рақибини мағлубиятга учратган. Умумий ҳисобда эса жамоалар миллий чемпинатда 35 марта тўқнаш келишган.

“Сурхон”да 11, “Андижон”да 18 ғалаба бор. 6 та баҳсда кучлар тенг келган. Тўплар нисбати 44\64 жамоамиз фойдасига.

"Андижон" охирги марта “Сурхон” мезбонлиги остидаги ўйинда ўтган йили ғалаба қозонган. Тошкентда ўтказилган учрашувда “Андижон” рақибини 2:3 ҳисобида мағлубиятга учратган. “Андижон” “Сурхон” мезбонлигидаги учрашувларнинг 4 тасида дуранг ўйнаган ва 5 тасида ғалаба қозонган.

Эслатиб ўтамиз, “Сурхон” - “Андижон” ўйини бугун, соат 18:30 да бошланади.