Расман: Бахтиёр Москва клубига ўтди
Қозоғистон миллий терма жамоаси етакчиси Бахтиёр Зайнутдинов Туркия Суперлигасининг “Бешиктош” клубини тарк этиб, Россия Премьер-лигасига қайтди.
“Динамо Москва” клуби ижтимоий тармоқлардаги саҳифаси орқали трансферни расман эълон қилди.
Бахтиёр Зайнутдинов икки йилдан буён Туркия чемпионатида ўйнаб келмоқда. Ҳимоячи 2023 йилнинг ёзида “Бешиктош”га ЦСКАдан кўчиб ўтганди. “Армиячилар” сафига ўтгунича Россия Премьер-лигасида “Ростов” шарафини ҳимоя қилган.
Зайнутдинов ростовликлар сафида Элдор Шомуродов билан бирга ўйнаган. Ўзбекистон миллий терма жамоасининг яна бир аъзоси Аббосбек Файзуллаев ЦСКАга кўчиб ўтганида Бахтиёр ўзбек легионерига ёрдам берган эди.
Қизтғи шундаки, Шомуродов ва Файзуллаев Туркия Суперлигасининг “Истанбул Башаушеҳир” клубига кўчиб ўтган паллада, Бахтиёр Зайнутдинов Россияга қайтди.
Фикрлар