Расман! Боян Кркич Иньестанинг жамоадошига айланди

Япониянинг "Виссел Кобе" клуби ўзининг расмий сайти орқали испаниялик ҳужумчи Боян Кркичнинг трансферини эълон қилди.

Юқоридаги манбага кўра, 30 ёшли футболчи японияликлар билан 2023 йилнинг 31 январига қадар шартнома имзолаган.

Кркичнинг сўнгги иш жойи "Монреаль Импакт" клуби бўлган. У Канада клубини тарк этганидан буён ишсиз ҳисобланар эди.

Боян Кркич "Барселона" клуби тарбияланувчиси ҳисобланади. У фаолияти давомида "Рома", "Милан", "Аякс", "Сток Сити", "Майнц" ва "Алавес" клубларида ўйнаган. Унинг айни дамдаги трансфер нархи 800 минг еврони ташкил этади.