“Реал” Англиядаги ҳимоячи бўйича музокара бошлади

Италиялик ҳимоячи Риккардо Калафьори Мадриднинг “Реал” жамоаси учун ёзги трансфер ойнасининг асосий мақсадларидан бирига айланган.

Инсайдер Жанлука ди Марционинг маълум қилишича, мадридликлар футболчининг вакиллари билан трансфер бўйича музокараларни бошлаган.

Янги бош мураббий Жозе Моуриньо ҳимоянинг бир нечта позицияларида ўйнай оладиган универсал футболчи олиб келишни истамоқда.

Шунингдек, “Манчестер Сити” ҳимоячиси Абдуқодир Ҳусановнинг жамоадоши Йошко Гвардиол ҳам номзодлар қаторида турибди.

24 ёшли Калафьорининг трансфер қиймати 55 миллион евро деб баҳоланмоқда. Унинг “Арсенал” билан шартномаси 2029 йил ёзигача амал қилади.