“Реал” Англиядан мураббий кутяпти

“Реал” руаҳбарияти ёзда жамоага янги мураббий олиб келиши керак. Карло Анчелоттининг мадридликлар билан шартномаси мавсум охирида якунланади.

Todofichajes нашрининг ёзишича, “Қироллик клуби” жамоага яна бир италиялик мураббийни олиб келмоқчи. Мадридликларга “Брайтон”ни бошқараётган Роберто Де Дзербининг иши маъқул келиб турибди.

Карло Анчелотти “Реал”га 2021 йилдан бери устозлик қилмоқда. Тажрибали мураббий қўл остида жамоа Испания чемпионлигини ҳам, Чемпионлар лигаси бош совринини ҳам ўзиники қилиб улгурди.

Жорий чемпионатда “Реал” футболчилари “Барселона”дан чемпионликни тортиб олиш учун курашмоқда.