"Реал" Ашрафнинг ижара муддатини узайтирмайди

“Реал” Мадрид клуби раҳбарияти “Боруссия” Дортмундга ижарага берилган марокашлик ҳимоячиси Ашраф Ҳакимининг ўйинлари юқори даражада ўсаётганини баҳоламоқда.

Transfermarkt талқинига кўра Германияда кўрсатаётган ўйинларидан сўнг Ҳакимининг трансфер нархи анча кўтарилган ва 45 млн еврога етган.

Эслатиб ўтиш лозимки, клублар ўртасидаги ижара шартномаси 2 йилга мўлжалланган эди ва у жорий ёзда ўз ниҳоясига етади. Дортмундликлар унинг ижара муддатини яна бир мавсумга узайтириш бўйича “қироллик клуби”га таклиф юбормоқчи. Бироқ, мадридликлар ушбу таклифни рад этишади. Чунки, улар Ҳакимини жамоанинг қанот ҳимоячиси Альваро Одриосоладан юқори баҳоламоқда. Қолаверса, Ашраф ўнг қанотда тўп сурадиган Дани Карвахалга асло рақобат қилмайди. У чап қанотда ҳам тўп сура олади.