“Реал” Бензема ўрнига кутилмаган юлдузни олиб келади

“Реал” зудлик билан Карим Бензема ўрнига бошқа ўйинчи олиб келиши керак. Аслида мадридликлар франциялик тўпурарни бирданига кетиб қолишини кутмаган эди.

Шунингдек, клуб мутасаддилари жамоани тарк этган Марко Асенсио, Мариано Диас ва Эден Азарнинг ҳам ўрнини эгаллайдиган янги ижрочилар топиши керак.

Goal ва Fichajes нашрларининг таъкидлашича, “Қироллик клуби” Бенземадан бўшаган ўринга “Бавария” форварди Садио Манени олиб келмоқчи.

31 ёшли сенегаллик футболчи Мюнхендаги дастлабки мавсумида жамоадошлари билан муносабатларда муаммога дуч келди.

“Бавария” уни тезроқ сотиб юбормоқчи. Якунланган мавсумда 38 та баҳсда 12 та гол урган Мане 45 миллион еврога баҳоланмоқда.