“Реал” эмас! Гвардиола ўзини энг кўп қийнаган номни айтди

“Манчестер Сити” бош мураббийи Хосеп Гвардиола УЕФА Чемпионлар лигаси 1/8 финали жавоб ўйинида “Реал”га 1:2 ҳисобида бой берилган ўйиндан кейин ўз фаолиятидаги энг катта чақириқ ёки синов ҳақида фикр билдирди.

- “Реал” мен учун энг катта синовми? Мен учун энг катта синов Юрген Клопп бўлган. Испанияда бу қандай эканини тасаввур ҳам қила олмайсан.

“Реал”га қарши шунча марта ўйнаш ва бундай авлод ўйинчиларига эга бўлишнинг ўзи етарлича яхши натижа, - деди Гвардиола.

Таъкидлаш лозимки, Юрген Клопп “Ливерпуль”ни тўққиз йил давомида бошқарган даврда Хосеп Гвардиола бошқарувидаги “Манчестер Сити” билан кўп бора тўқнаш келган.