"Реал" Эндрик бўйича якуний қарорга келди

Бразилиялик ҳужумчи Эндрик қишки трансфер ойнасида Мадриднинг «Реал» жамоасини тарк этиши мумкин. Бу ҳақда журналист Экрем Конур ўз ижтимоий тармоқларида хабар берган.

Манба маълумотларига кўра, «Қироллик клуби» 20 ёшли форвардни ижарага бериш вариантларини кўриб чиқишга тайёр. 

Эндрикнинг «Реал» билан амалдаги шартномаси 2030 йил июн ойи охиригача мўлжалланган. Футболчининг бозор қиймати тахминан 40 миллион евро атрофида баҳоланмоқда.

Эслатиб ўтамиз, ўтган мавсумда бразилиялик футболчи ижара асосида Франциянинг «Лион» клуби шарафини ҳимоя қилган эди. У Лига 1 доирасида 16 та учрашувда майдонга тушиб, бешта гол урди (улардан бири пенальтидан) ва еттита голли узатма муаллифига айланди.