"Реал"га Англия терма жамоаси ҳимоячиси керак

Моуриньонинг навбатдаги нишони — Жарелл Куанса. Европа футболида ёзги трансфер ойнасига тайёргарлик бошланган бир пайтда, «Реал» 23 ёшли марказий ҳимоячи Жарелл Куансани ўз сафига қўшиб олиш имкониятини кўриб чиқмоқда. 

Англия терма жамоаси аъзоси ҳисобланган Куанса 2025 йилдан буён Леверкузеннинг «Байер» клубида ўйнаб келмоқда.

Манбаларга кўра, келаси ёзда «Реал» ҳимоя чизиғини жиддий равишда янгилашни режалаштирган. Мадрид клубига камида икки янги ҳимоячи керак бўлади, шу боис Куанса эҳтимолий номзодлар рўйхатида юқори ўринни эгалламоқда. Ўтган ёзда уни қўлга киритишга «Арсенал» ҳам уриниб кўрган, аммо «Байер» лондонликларнинг 65 миллион евро миқдоридаги таклифини рад этган эди.

Шу билан бирга, Куанса учун кураш фақат «Реал» ва «Арсенал» билан чекланмайди. Мадрид клубининг собиқ бош мураббийи Хаби Алонсо ҳам ҳимоячини ўз жамоасига олиб келиш имкониятини ўрганмоқда. У ҳозирда «Челси»ни бошқармоқда ва клуб ҳимоясини кучайтиришни мақсад қилган.

Қизиқ жиҳати шундаки, Куанса атрофидаги вазиятга яна бир муҳим омил таъсир кўрсатиши мумкин. «Ливерпуль» футболчини орқага қайтариб олиш ҳуқуқини сақлаб қолган: мерсисайдликлар 70 миллион евро эвазига ҳимоячини қайта сотиб олиш имкониятига эга. Куанса 2023–2025 йилларда айнан шу клуб шарафини ҳимоя қилган эди.