"Реал" Конате трансферини шу ҳафта эълон қилади

Ибраима Конате яқин вақт ичида расман "Реал" футболчисига айланади.

"The Athletic" нашрининг хабар беришича, Мадрид клуби президенти собиқ "Ливерпуль" ҳимоячисининг эркин агент сифатида жамоага қўшилганини шу пайшанба куни эълон қилади.

Франциялик марказий ҳимоячи ўтган мавсум Англия Премьер-лигасида 36 та учрашувда майдонга тушиб, 1 та гол муаллифи бўлган.

Конате бир неча йил давомида "Ливерпуль" мудофаасининг асосий футболчиларидан бири бўлиб келди ва энди фаолиятини Испанияда давом эттиришга тайёр турибди.