“Реал” муддатидан олдин “Барса” чемпионлигини тан олди

Жорий мавсум Ла Лигада иккинчи ўриндан юқорига кўтарила олмаётган “Реал” айни пайтда бор эътиборини “Бавария”га қарши бўладиган УЕФА Чемпионлар лигасидаги жавоб ўйинига қаратган.

Мадриддаги биринчи тўқнашувда 1:2 ҳисобида мағлубиятга учраган мадридликлар рақиб майдонида муваффақият қозониб, ярим финалга чиқиш имкониятига эга бўлишга қаттиқ ишонмоқда.

Ла Лига чемпионлигига келсак, “Реал” бош совриндан умидини узиб бўлди. Бу ҳақда The Athletic нашри материалларида ёзилди.

Маълумки, Испания чемпионатидаги навбатдаги очко йўқотишдан кейин “Реал” турнир пешқадами “Барселона”дан 9 баллга ортда қолмоқда. Олдинда яна етти тур, жумладан “Камп Ноу”даги “эл класико” бор.

Бироқ Мадрид жамоаси бундан буёғига каталонияликлардан ўзиб кетиш тугул, уларга етиб олиши деярли имконсиз экани айтилмоқда.