«Реал» ўйинида ҳакам хатоси тан олинди

Испания футбол ҳакамлари Техник қўмитаси (CTA) Ла Лиганинг 11-турида «Расинг»га қарши ўйинда (3:0) мадридлик «Реал» фойдасига белгиланган пенальтини нотўғри қарор деб тан олди.

Қўмита баёнотида қайд этилишича, бу ҳолатда ҳакам хатога йўл қўйган ва видеоассистент ҳакам (VAR) аралашиши керак эди. «Ҳакам томонидан йўл қўйилган аниқ ва очиқ хатолик. VAR бу эпизодга аралашиши лозим эди», – дейилади Cadena SER нашри келтирган расмий изоҳда.

Ҳакамлар органи хулосасига кўра, «Расинг» футболчиси Матео Прати Килиан Мбаппе йўлини қўли билан тўсган, аммо ҳужумчига жисмоний босим ўтказмаган. Шу боис пенальти тайинлаш учун етарли асос бўлмаган.