"Реал" қишда "Ювентус" форвардини сотиб олмоқчи
Қишки трансфер ойнаси очилишига оз фурсат қолди ва клублар ўз таркибларини кучайтиришнинг турли вариантларини кўриб чиқишмоқда.
"TodoFichajes" нашри хабарига кўра, "Реал" "Ювентус"дан ҳужумчи Душан Влаҳовични ўз сафига қўшиб олишга ҳаракат қилиши мумкин. Бироқ "қироллик клуби"нинг "кекса синьора" билан келишиши унчалик осон бўлмаслиги аниқ. Чунки туринликлар мавсум ўртасида асосий форвардини қўйиб юбормайди.
Нуфузли "Transfermarkt" портали 23 ёшли Влаҳовични 70 миллион еврога баҳоламоқда. 2023/2024 йилги мавсумда сербиялик футболчи "Ювентус" сафида 10 та ўйин ўтказиб, 4 та гол урди ва битта голли узатмани амалга оширди.
Фикрлар