"Реал" раҳбарияти Винисиуснинг ҳаракатидан норози

Мадриднинг "Реал" клуби ҳужумчи Винисиус Жуниорнинг сўнгги ўйиндаги ҳаракатидан мамнун эмас, деб хабар бермоқда "Fichajes" нашри.

Ла Лиганинг 2-турида "Овьедо"га қарши баҳсда гол урганидан сўнг бразилиялик футболчи рақиб мухлислари томон икки бармоғини кўтариб ишора қилди. Кўпчилик бу ишорани "Овьедо"нинг 24 йилдан бери Ла Лигада ўйнамаганига ишора, деб қабул қилди.

"Реал" раҳбариятининг фикрига кўра, Винисиуснинг бундай ҳаракатлари клуб обрўсига доимий равишда салбий таъсир кўрсатмоқда. Шу сабабли, унга нисбатан санкциялар қўлланилиши мумкин.

Эслатиб ўтамиз, икки турдан сўнг мадридликлар 6 очко билан турнир жадвалида 3-ўринни эгаллаб турибди.