"Реал" учта ҳимоячини нишонга олди

Мадриднинг "Реал" клуби рагбарияти жамоанинг ҳимоя чизиғини кучайтиришни истамоқда ва уч нафар футболчини ўз шорт-листларига қўшиб қўйишди. Бу ҳақда Marca мухбирлари хабар беришди.

Манбага кўра, "қироллик клуби" шорт-листидан Ибраҳим Конате ("Ливерпуль"), Даёт Упамекано ("Бавария") ва Марк Гехи ("Кристал Пэлас") жой олган. Санаб ўтилган ҳимоячилардан бири келаси йилнинг ёзида "қаймоқранглилар" сафини тўлдириши мумкин. "Реал"нинг устувор варианти Конате ҳисобланади.

26 ёшли франциялик ҳимоячи 2021 йилнинг ёзидан бери "Ливерпуль" шарафини ҳимоя қилмоқда. Унинг "қизиллар" билан шартномаси 2026 йилнинг июнь ойи охирида якунига этади.