"Реал" Винисиусга яхшиланган шартнома берди

Мадриднинг «Реал» клуби бразилиялик ҳужумчи Винисиус Жуниор билан шартномани узайтириш бўйича янги таклиф киритди. ESPN хабарига кўра, жаҳон чемпионати якунланганидан сўнг клуб деярли бир йил давомида тўхтаб қолган музокараларни қайта тиклаган.

Манба маълумотича, испанияликлар молиявий шартларни яхшилаган. Эндиликда Винисиусга йилига 22 миллион евро маош таклиф этилмоқда. Илгариги музокараларда сўз анча кам миқдор ҳақида кетган эди.

Шунга қарамасдан, бу вариант ҳали ҳам футболчини қониқтирмаётгани айтилмоқда. Хабарларга кўра, 26 ёшли бразилиялик йилига тахминан 30 миллион евро иш ҳақи олишни кутаяпти. Ҳозирда унинг йиллик маоши 17,5 миллион евро атрофида.

Винисиуснинг «Реал» билан амалдаги шартномаси мавсум охиригача мўлжалланган. 

Агар келишув янгиланмаса, у январ ойидан бошлаб бошқа клублар билан эркин равишда музокара олиб бориш ва дастлабки шартнома имзолаш ҳуқуқига эга бўлади.

ESPN маълумотларига кўра, футболчининг ўзи ва унинг вакиллари бу келишувни Винисиус карьерасидаги энг муҳим шартнома, деб ҳисобламоқда. Шу боис улар «Реал»дан нафақат ўйинчининг ёшини, балки 2018 йилда клубга қўшилганидан буён жамоа муваффақиятларига қўшган ҳиссасини ҳам инобатга олишини кутмоқда.