"Реал" ёки "Барселона": Суперкомпьютер Испания чемпионини танлади

Испаниянинг Ла Лига чемпионатида олти тур ортда қолар экан, Opta компаниясининг суперкомпьютери 2026/2027 йилги мавсумда қайси жамоа чемпион бўлиш эҳтимоли юқорилигини ҳисоблаб чиқди.

Ҳисоб-китобларга кўра, асосий фаворит сифатида каталониялик «Барселона» кўрсатилмоқда. Ханс-Дитер Флик бошқарувидаги жамоанинг чемпионликка эришиш эҳтимоли 67 фоизга баҳоланган.

Рейтингда иккинчи ўринни мадридлик «Реал» эгаллаган. Жозе Моуринью шогирдларининг Испания чемпиони бўлиш имконияти 26,7 фоиз этиб белгиланган. Учинчи поғонада яна бир пойтахт клуби — «Атлетико» (Мадрид). Суперкомпьютер маълумотларига кўра, «матрасчилар»нинг титул учун курашда ғолиб чиқиш эҳтимоли бор-йўғи 3,1 фоизни ташкил этади.

Кейинги ўринда севильялик «Бетис» қайд этилган бўлиб, унинг чемпионлик шанси 2,9 фоизга тенг. Қолган барча клубларнинг имконияти эса бир фоиздан ҳам кам деб баҳоланмоқда.