“Реал” юлдузи бошқа клубда уч ойда зерикиб қолди

“Реал” сафида узоқ йиллар тўп тепган Иско ёзги трансферлар вақтида “Севилья”га кўчиб ўтган эди.

Андалусияга август ойида келган ўйинчи тезроқ бу ердан кетишни истаяпти. Бунга сабаб, Искони “Севилья”нинг мусобақа жадвалидаги шрни қониқтирмаяпти. Бундан ташқари, машҳур юлдуз “Севилья” спорт директори Мончи билан келиша олмай қолган.

Искога бош мураббий Хулен Лопотегининг ишдан бўшагани ҳам қониқтирмаяпти. Чунки у бу жамоани айнан мана шу мутахассис билан ишлаш ниятида танлаган эди.

Мончи футболчини мавсум давомида яхши ўйнай олмаётгани учун кескин танқид қиляпти. Иско эса, спорт формасини тиклаб олмасидан уни майдонга тушириб, тўп тепишга мажбур қилишаётганидан норози.

Иско Испания чемпионатида 18-ўринда бораётган жамоа сафида 19 та учрашувда майдонга тушиб, битта гол ва учта ассист муаллифи бўлди.