“Реал”дан 50 миллион еврога ҳужумчи оламиз

Италиянинг амалдаги чемпиони “Наполи” ҳужум чизиғини кучайтириш учун “Реал”нинг қанот ҳужумчиси Франко Мастантуононинг трансферига жиддий қизиқиш билдирмоқда.

Неаполь шаҳри шарафини ҳимоя қилаётан клуб 18 ёшли футболчини январь ойидаёв сотиб олишга тайёр ва бунинг учун 50 миллион евро таклиф қилишини билдирди.

Бу ҳақда Defensa Central хабар беряпти.

Манба маълумотларига кўра, “Қироллик клуби” ноёб истеъдод соҳиби ҳисобланган Мастантуонони тўлиқ сотиб юборишни режалаштирмаган ва мавсумнинг иккинчи қисмида аргентиналик ўйинчи ўзининг яхши спорт формаси ҳамда юқори савиядаги ўйинини намойиш этишига умид қилмоқда.

Жорий мавсумда Мастантуоно барча мусобақаларда 14 та ўйинда қатнашиб, 1 та гол ва 1 та голли узатма қайд этди. Футболчининг клуб билан амалдаги шартномаси 2031 йил ёзигача амал қилади. Transfermarkt портали маълумотларига кўра, унинг бозор қиймати 50 миллион еврога тенг.