Рэшфордга энг яхши вариант тавсия этилди

“Манчестер Юнайтед” ҳужумчиси Маркус Рэшфорд қишда "Ювентус"га ижара асосида кўчиб ўтиши мумкин.   

Хабарингиз бор, Рэшфорд Рубен Аморим қўл остида ўзини яхши ҳис қилмаяпти. Шу билан бирга, сўнгги ойлардаги ўйин амалиётидан ҳам норозилиги сабаб, қишки трансферлар ойнасида жамоасини ўзгартирмоқчи. Бунга эса клуб ҳам қаршилик кўрсатмоқчи эмаслигини билдирган. Ҳатто, англиялик футболчи навбатдаги Европа лигасидаги ўйинга ҳам қайдномага киритилмади. Бунга асосий сабаб сифатида, португалиялик бош мураббий эса унинг машғулотлардаги суст ҳаракатларини келтириб ўтди.   

"Independent" нашрининг хабар беришича, ҳозирда Туриннинг "Ювентус" клуби Маркус учун энг яхши вариант сифатида кўрилмоқда. Бироқ, ҳужумчининг ўзи Каталониянинг "Барселона" жамоасига кўчиб ўтишни хоҳлаётганини билдирган.   

Маълумот ўрнида, 27 ёшли ўйинчи жорий мавсум 24 та тўқнашув иштирок этиб, 7 та гол ва 3 та голли узатмага муаллифлик қилди.