"Рома" минимал ҳисобда ғалаба қозониб, 4-ўринга кўтарилди

Италия А Серияси 10-туридан ўрин олган "Сампдория" - "Рома" учрашуви ниҳоясига етди. Унда меҳмонлар 1:0 ҳисобида зафар қучди.

Беллашув тақдирини пенальтидан урилган ягона гол ҳал этди. Римликлар сардори Лоренцо Пеллегрини 9-дақиқада 11 метрлик нуқтадан аниқ зарба йўллаб, жамоасига ғалаба келтирди. Мазкур ўйинда Элдор Шомуродов захирада қолдирилди.

Шу тариқа, "бўрилар" очколари сонини 22 тага етказиб олган ҳолда, 4-ўринга кўтарилиб олди. Сўнгги поғонадаги "Сампдория" 3 очко жамғарган.