Романо: Флик "Барселона"да ишлашга қарши эмас

Хави мавсум сўнггида "Барселона"ни тарк этишини маълум қилганидан кейин жамоа раҳбарияти янги бош мураббий изламоқда. Вариантлар орасида собиқ "Бавария" ва Германия устози Ханс-Дитер Флик ҳам бор. 

Инсайдер Фабрицио Романо хабар беришича, 58 ёшли мутахассис каталонияликларни бошқаришга қарши эмас. Шу билан бирга, Фликнинг айни пайтда испан тилини ҳам ўрганаётгани борасида миш-мишлар тарқалмоқда. 

Ханс сўнгги марта Германия терма жамоасида ишлади. 2021 йилда немисларни қабул қилиб олган мутахассис орадан икки йил ўтиб, истеъфога чиқарилди.