Роналду 42 ёшигача ўйнайди

Енгил атлетика бўйича саккиз карра Олимпия чемпиони Усэйн Болт ҳужумчи Криштиану Роналдунинг "Манчестер Юнайтед"га қайтгани ҳақида гапирди.

"Унинг қайтгани жуда яхши. Криштиану жамоадошларидан кўп нарсани талаб қилади, лекин бу уларни янада кучайтиради. У бошқа даражадаги футболчи, у шунчаки машина.

Менимча, у 42 ёшигача ўйнайди. У ҳар доим яхши формада ва фидойилиги туфайли кўплаб ёш футболчиларга қараганда юқорироқ даражада бўлади", - деди Болт.

Эслатиб ўтамиз, 36 ёшли Роналду яқинда яна “Манчестер Юнайтед”га қайтди ва клуб билан “2+1” кўринишида шартнома имзолади.