Ronaldu “An-Nasr”ga sovrin olib berolmaydi

“An-Nasr” klubi Krishtianu Ronaldu dahshatli maosh to‘layotgan bo‘lsa-da, portugaliyalik yulduz jamoani muvaffaqiyatlarga etaklay olmayapti.

Ronaldu riyodliklar jamoasida 2023 yilning yanvaridan beri o‘ynab kelmoqda. Portugaliyalik yulduz yordamida “An-Nasr” 3023 yilda faqatgina Arab mamlakatlar chempionlari kubogida zafar quchgan xolos. Biroq bu o‘rtoqlik turniri maqomidagi musobaqa hisoblanadi.

“An-Nasr” Saudiya Arabistoni kubogining chorak finalida “At-Taavun”ga yuqazib qo‘ydi. Ronaldu so‘nggi daqiqalarda 11 metrlik belgidan gol ura olmadi.

Ana shu musobaqani qo‘shib hisoblanganda “An-Nasr” Ronalduni o‘ynayotganidan beri sakkizinchi turnirni tark etdi.

Krishtianu hozirga qadar barcha turnirlarda 75 ta uchrashuvda qatnashib, 67 ta gol va 18 ta assist qayd etgan. Lekin bu samaradorlik sovrinlarni qo‘lga kiritish uchun etarli bo‘lmayapti.