Ronaldu bu ishni naqd 10 marta uddaladi

Saudiya chempionati 14-turida "An-Nasr" o‘z uyida "Al-Ahdud"ni qabul qildi va 3:0 hisobida g‘alaba qozondi. 

Krishtianu Ronaldu mazkur o‘yinda dubl qayd etdi. Buning evaziga 38 yoshli portugaliyalik bu yil gol+pas tizimida 60 ochko jamg‘ardi: 48 ta gol urdi va 12 ta golli uzatmani amalga oshirdi. Krishtianu uchun bu faoliyatida o‘ninchisi bo‘ldi.

Saudiya Arabistonining joriy chempionatida tajribali hujumchi 13 ta o‘yin o‘tkazib, 15 ta gol va 7 ta golli uzatmani amalga oshirgan. To‘purarlar poygasida Krishtianu etakchilik qilmoqda.