Роналду бу ишни нақд 10 марта уддалади

Саудия чемпионати 14-турида "Ан-Наср" ўз уйида "Аль-Аҳдуд"ни қабул қилди ва 3:0 ҳисобида ғалаба қозонди. 

Криштиану Роналду мазкур ўйинда дубль қайд этди. Бунинг эвазига 38 ёшли португалиялик бу йил гол+пас тизимида 60 очко жамғарди: 48 та гол урди ва 12 та голли узатмани амалга оширди. Криштиану учун бу фаолиятида ўнинчиси бўлди.

Саудия Арабистонининг жорий чемпионатида тажрибали ҳужумчи 13 та ўйин ўтказиб, 15 та гол ва 7 та голли узатмани амалга оширган. Тўпурарлар пойгасида Криштиану етакчилик қилмоқда.