Роналду фаолиятини қачон тугатишини айтди

“Ан-Наср” ва Португалия терма жамоаси ҳужумчиси Криштиану Роналду профессионал фаолиятини қачон тугатиши ҳақидаги саволларга жавоб қайтарди.

- Мен футболдан баҳра олишни истайман. Тез орада қирқни қоралайман. Мен ҳақиқатан мазза қилиб футбол ўйнамоқчиман.

Мен тўп тепишга иштиёқим борлигини ҳис қилар эканман, футбол ўйнашда давом этавераман. Иштиёқ сўнганини ҳис қилган куним фаолиятимни нуқта қўяман,  - деди Криштиану Роналду.

39 ёшли тўпурар жаҳон футболида расмий учрашувларда энг кўп гол урган ўйинчи ҳисобланади. Роналду ҳисобида 910 та гол бор.

Бундан ташқари Роналду ҳалқаро миқёсдаги ўйинлар ва голлар сони бўйича ҳам яққол етакчи. У 2003 йилдан буён Португалия терма жамоаси сафида 215 та учрашув ўтказиб, рақиблар дарвозасини 135 маротаба ишғол қилган.