Роналдунинг “Ан-Наср”и кучлими ёки Мессининг “Интер Майами”си?

Opta статистика портали экспертлари жаҳоннинг энг кучли клублари рейтингини тузиб чиқди.

Кўпчиликнинг эътиборини бир неча йилдан бери ўзаро рақобатлашиб келаётган юлдузлар – Криштиану Роналду ва Лионель Мессининг айни пайтда ўйнаётган жамоаларининг рейтинги қизиқтириб қўйди.

Европани тарк этган бу икки машҳур юлдуз Осиё ва Америка қитъасида футболни ривожлантиришга ҳисса қўшиб келмоқда.

Opta мутахассислари Саудия Арабистонининг “Ан-Наср” жамоаси АҚШнинг “Интер Майами” клубидан устун эканини қайд этган.

Роналду тўп тепаётган жамоа умумий рейтингда 92-поғонада жойлашган. Месси ўйнаётган “Интер Майами”ни экспертлар рейтингнинг 98-поғонасига жойлади.