Роналдунинг ўғлига Европанинг 15 та клуби харидор

Жаҳон футболида энг кўп гол урган чарм тўп устаси – Криштиану Роналдунинг 14 ёшли ўғли  Хорватияда ўсмирлар ўртасида ташкил этилган халқаро турнирда Португалия ўсмирлар терма жамоасида илк учрашувини ўтказди.

Гарчи японияликларга қарши баҳсда кичик Роналду самарали ҳаракатларни амалга ошира олмаган бўлса-да, унинг харакатларини Европанинг қатор клублари скаутлари кузатиб борди.

Sportske Novosti нашрининг ёзишича, Португалия ўсмирлар терма жамоаси ўйинини “Манчестер Юнайтед”, “Тоттенхэм”, “Интер”, “Ювентус”, “Аталанта” ва Бундеслиганинг ўнта клуби мутахасислари таҳлил қилиб борган.

Айни пайтда Роналдунинг ўғли “Ан-Наср”нинг болалар жамоасида тўп тепмоқда. Илгари отаси ўйнаган “Реал” ва “Ювентус” академияларида шуғулланган.