Роналдунинг ўзи ва оиласи хавф остида!

Саудия Арабистони чемпионатида тўпурарлик маҳоратини намойиш қилиб келаётган “Ан-Наср” ҳужумчиси Криштиану Роналду футболдан ташқари маиший муаммоларга эътибор қаратишига тўғри келмоқда.

Marca нашрининг ёзишича, 40 ёшли ҳужумчи Саудия Арабистонида бўлиб турган бир гуруҳ номаълум шахслардан ўзи ва оиласига қаратилган таҳдидли хабарлар олмоқда.

Бу гуруҳ Криштиану Роналдунинг ўзи ва оиласи вакилларини ўғрилаб кетиш ва бу орқали пул ундиришни мақсад қилгани айтилмоқда.

Криштиану Роналду хавфсизликн таъминлаш учун португалиялик собиқ ҳарбий хизматчи Мигель Вязни ёллади. Бу мутахассис юқори даражадаги хавфли ҳарбий ва жанговар амалиётларда иштирок этган.

Мигель яқинда Роналдунинг севгилиси Жоржина Родригесга Парижда ташкил этилган модалар намойиши тадбирида ҳам ҳамкорлик қилган эди. Унинг фотографларга қилган қўпол муносабати кўплаб эътирозларга сабаб бўлган. Энди Мигель Вязга янада масъулиятлироқ вазифа топширилди.