Ронда Роузи портлади: "UFC - энг ёмон жойлардан бири"

UFC собиқ чемпиони Ронда Роузи лиганинг ҳозирги ҳолатига кескин муносабат билдириб, компания эгалари ўзгарганидан кейин таниб бўлмас ҳолга келганини айтди.

"UFC энди ТОП жанглар ўтказишга интилмаяпти. Дананинг жилови тортиб олингандан сўнг, компанияни таниб бўлмай қолди. Оқ Уйдаги турнир карди ҳам жуда ёмон тузилган. Уайт ҳам буни билади. Кафолат бераман, у ҳам бундан норози. Молиявий томонга келсак, промоушен ҳозирда 7,7 миллиард доллар ишлаб топади. Бироқ  жангчиларига тўлаётган пуллари минимум яшаш харажатларини ҳам қопламайди. UFC - энг ёмон жойлардан бири. Шу боис уларнинг кўплаб ТОП атлетлари пул топиш учун бошқа ишлар ҳам қилади", - деди Роузи.

Эслатиб ўтамиз, Ронда Роузи 17 май куни "Most Valuable Promotions" турнирида Жина Каранога қарши жанг қилади.