Rosenyor: "Bugun taktika emas, xarakter yetishmadi"

"Chelsi" bosh murabbiyi Liam Rosenyor APL doirasida "Brayton"ga qarshi uchrashuvdagi 0:3 hisobidagi mag'lubiyatga munosabat bildirdi.

"Juda g'azabdaman. Men doim ko'rganimni aytaman va bu qabul qilib bo'lmaydigan o'yin edi. O'tkazib yuborilgan gollar ham mutlaqo qabul qilib bo'lmaydi, buning uchun aybni o'z zimmamga olaman.

Jamoani, alohida futbolchilarni va men ishonadigan tarkibni baholayman. Bu darajada futbolning eng oddiy asoslari haqida gapirishga majbur bo'lmasligimiz kerak. Biz bunga juda tez moslashishimiz lozim.

Bugun gap taktika haqida emasdi. Masala xohish, ruh va jasoratda edi, ammo men bu jihatlarni yetarli darajada ko'rmadim. Bu umuman yetarli emasdi va biz bu borada kuchayishimiz shart", — dedi Rosenyor.