Росси фаолиятини Турин клубида давом эттириши мумкин

Ҳужумчи Жузеппе Росси ёзги трансферлар мавсумидан сўнг фаолиятини Италиянинг бошқа жамоасида давом эттириши мумкин.

Футболчининг трансфер ҳуқуқи “Фиорентина” тегишли бўлиб, 2016/17 мавсумни “Сельта”да ижара асосида тўп сурмоқда. Россининг флоренцияликлар билан тузган шартномаси 2017 йил 30 июнида якунига етади.

Tuttosport нашрининг ёзишича, 30 ёшли ҳужумчини Туриннинг “Торино” клуби ўз сафида кўришни истамоқда. Туринликлар устози Синиш Михайлович Россини Андреа Белотти билан ҳужум чизиғида 4-3-1-2 схемасида синаб кўришни режалаштирмоқда.