Сабина Шарипова чорак финалга чиқди

Мамлакатимизнинг энг кучли аёл теннисчиси Сабина Шарипова Туниснинг Монастир шаҳрида Халқаро теннис федерацияси томонидан ўтказилаётган турнирнинг яккалик баҳсларида чорак финалга чиқди.

 

Сабина Шарипова асосий тўрдаги иштирокини тўғридан-тўғри иккинчи даврадан бошлади. Теннисчимиз ушбу босқичда словакиялик Ингрид Вожчинакова билан рақобатлашиб, якунда 6:1, 6:4 ҳисобида мағлубиятга учратди.

 

Шу тариқа 1/4 финал йўлланмасини қўлга киритган Сабина, энди ярим финал остонасида франциялик теннисчи Виктория Мунтинга қарши кортга чиқадиган бўлди.

 

Афсуски, Сабина Шарипова мусобақанинг жуфтлик баҳсларида Виктория Мунтин билан бирга иштирок этиб, чорак финал босқичида имкониятни бой бериб қўйди.