Сабина Шарипова финалда қоқилди
Хитойда Халқаро теннис федерацияси – ITF томонидан ўтказилган халқаро турнирда мамлакатимизнинг биринчи рақамли теннисчиси Сабина Шарипова финалда имкониятни бой берди.
Сабина Шарипова мусобақанинг ярим финалида гонлонглик Жан Лин билан куч синашиб, 2:6, 6:0, 6:3 ҳисобида ғалаба қозонди ва финалга чиқди.
Мусобақанинг сўнгги ҳал қилувчи финал баҳсида Сабина хитойлик Хиню Гаога қарши рақобатлашди. Мазкур учрашувда теннисчимиздан омад юз ўгирди ва 6:1, 6:2 ҳисобида енгилди.
Comments