Сака ҳакамдан норози!

Букайо Сака "Брайтон"га қарши ўйиндан сўнг ҳакамларни танқид қилди. 

"Арсенла" АПЛ 3-турида "чайкалар" билан дуранг ўйнади. Иккинчи бўлим бошида ярим ҳимоячи Деклан Райс рақиб жарима зарбаси тепаётган пайтда тўпга тегингани учун иккинчи сариқ картокани олди. Ўша пайтда Велтман унинг оёғига зарба йўллади. 

"Менимча, бу бизга нисбатан ёмон муносабат. Биринчи таймда Жоао Педро тўпни ярим майдон бўйлаб тепди ва ҳеч нарса содир бўлмади. Бироқ Дек (Райс) унга енгил тегди ва майдондан четлатилди. 

Шундай бўлса-да, ўйин натижаси учун жавобгарликни ҳакам зиммасига юкламоқчи эмасман. Сабаби, бизда ҳали ғалаба қозониш имконияти бор. 

Биз яхши бошладик. Бугунги беллашув бироз хафа қилди, аммо олдинда узоқ мавсум бор", - деди "канонирлар" вингери.