Салоҳ учун курашда етакчи аниқланди

«Ливерпул» собиқ юлдузи Муҳаммад Салоҳ карьерасини қаерда давом эттириши бўйича бир вақтнинг ўзида тўртта таклифни кўриб чиқмоқда. Унга Туркиянинг «Бешиктош» жамоаси, Саудия Арабистонининг «Ал-Дирия» клуби, шунингдек, Америка МЛС лигасидан яна икки жамоа қизиқиш билдирган.

Турк журналисти Ягиз Сабунжуўғлунинг маълум қилишича, Салоҳ учун асосий даъвогар айни пайтда «Бешиктош» ҳисобланади. Сабаби, айнан шу клуб мисрлик ҳужумчига энг манфаатли молиявий шартларни таклиф этмоқда.

Шу билан бирга, Салоҳ ва «Бешиктош» ўртасидаги музокаралар ҳозирча бироз секинлашган. Бунга тарафлар ўртасидаги айрим майда келишмовчиликлар сабаб бўлган. Шунга қарамай, клуб ва футболчи ўзаро мувозанатли ечим топиш ниятида.